П О К А Н А
Покана за учество на Националната конференција: Истражување на злоупотребата и
занемарувањето на децата во Р.Македонија, која ќе се одржи на 07.12.2012 г. Во Скопје, на
Скопски Саем – МБЦ со почеток во 10 ч.
Почитувани,
Имаме чест и задоволство да Ве известиме дека проектот наречен Балканска Епидемиолошка
Студија за Злоупотреба и Занемарување на Децата/ Ваlkan Epidemiological Study on Child
Abuse and Neglect [BECAN], кофинансирана од 7. Рамковна Програма на Европската Комисија за
истражување и технолошки развој и земјите учеснички од девет балкански земји е завршен.
Координатор на истражувањето за Република Македонија е ЈЗУ Универзитетската клиника за
психијатрија, Скопје.
Овој амбициозен проект е една од најголемите студии во однос на испитуваниот примерок деца
во Република Македонија (2750 деца на возраст од 11, 13 и 16 години, ученици во основните и
средните училишта во земјава и нивните родители), што е спроведен во период февруари-мај
2010, во соработка со Министерството за образование и наука. Дел од истражувањето се
одвиваше и со поддршка на Министерството за труд и социјална политика зарегистрираните
случаи на злоупотреба на децата во Центрите за социјална работа.
Поаѓајќи од фактот дека превенцијата и справувањето со злоупоттребата и занемарувањето на
децата е проблематика со висок приоритет во Р. Македонија ќе ни претставува особена чест и
задоволство ако учествувате на симпозиумот.
Срдечен поздрав,
Проф. Д-р Антони Новотни
Директор на ЈЗУ Универзитетска Клиника за психијатрија
Проф. Д-р Марија Ралева
Национален Координатор на БЕКАН
